(15 ліпеня 1410 г., Грунвальд)
Чорны крыж
на белым полі...
Край распяты
на крыжы?
«Смерць ці воля,
смерць ці воля», –
Грозна звоняць палашы.
На харугву йдзе харугва,
I на раць кладзецца раць.
«Пастаім жа, брацці-другі!
Яшчэ рана паміраць».
Вось і дождж прайшоў спагадны
Над крывавай малацьбой.
I ажыў
падляшскі латнік,
I паўстаў
мсціслаўскі ной.
Чорны крыж
на белым полі...
He распяць нас
на крыжы!
Смерць ці воля,
смерць ці воля –
Вырашаюць палашы.
Вырашае меч булатны
I татарская страла.
Вырашае просты ратнік —
Сейбіт з ціхага сяла.
I нястрымная Пагоня,
Што ўразаецца ў крыжы...
He затопча нашы гоні
Бот чужы!
