CAMINO*
Мы ад пачатку дзеці-пілігрымы
Ў адной ускалыханыя карзіне.
Не важна ці з Пастаў** ідзеш, ці з Рыма,
Як мэта ёсць дайсці да del Camіno.
Хоць стопчуцца дарогай ногі
І скінеш воляй зношаны абутак,
Магчыма не зусім ідзеш да Бога,
А хочацца з душы развеяць смутак.
Шукаеш шлях пазбавіцца трывогі,
Няўдач, няўтульнасці часовых зімаў,
Хоць застаецца да Camіno поў-дарогі -
У думках-снах вядзе шлях да радзімы.
*Camіno– шлях(і) з Еўропы на поўнач Іспаніі ў горад Camіno de Compostela, дзе паводле легенды пахаваны сьвяты Якаў, адзін з дванаццаці апосталаў; Паставы – горад у Віцебскай вобласьці, Беларусь.
